Маълум қилинишича, Департаментнинг Тошкент вилояти бошқармаси ўтказган терговга қадар текширувда муқаддам судланган М.А. икки нафар фуқарони Корея Республикасига ишга юборишни ваъда қилиб, уларнинг 12 минг АҚШ долларини фирибгарлик йўли билан қўлга киритгани аниқланган.
Шунингдек, Департаментнинг Қувасой шаҳри бўлими томонидан ўтказилган текширувда Д.Р. исмли шахс бир фуқарони Кореядаги олий таълим муассасасига ўқишга киритиш ва виза расмийлаштириб беришни ваъда қилиб, 11 минг АҚШ долларини олгани маълум бўлди. Тергов жараёнида ушбу маблағнинг 200 АҚШ доллари жабрланувчига қайтарилгани процессуал тартибда расмийлаштирилган.
Яна бир ҳолатда, Департаментнинг Пахтаобод тумани бўлими текшируви давомида муқаддам судланган Х.М. икки нафар фуқарони Канада ва Корея Республикасига юбориш учун ҳужжатларини тайёрлаб беришни ваъда қилиб, жами 4 945 АҚШ долларини фирибгарлик йўли билан олгани аниқланган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилган. Ҳозирда тергов ҳаракатлари давом этмоқда.
