Сўнгги кунларда "Тошкент-АЭРО" ИБКнинг "Тошкент халқаро аэропорти" чегара божхона пости ходимлари хориждан заргарлик буюмларини белгиланган меъёрлардан ортиқ миқдорда ноқонуний олиб кириш билан боғлиқ бир нечта ҳолатларни аниқлашди.
Хусусан, турли хорижий йўналишлардан учиб келган йўловчиларнинг юклари орасидан ва ёнидан божхона назоратига белгиланган тартибда тақдим этилмаган, умумий оғирлиги қарийб 691 грамм бўлган тилладан ясалган заргарлик буюмлари топилди.
Аниқланган заргарлик буюмларининг дастлабки қиймати жами 1 миллиард 20 миллион сўмдан ошмоқда.
