Хусусан, пойтахтдаги 42, 56, 74, 84, 120, 169, 174 ва 177-сонли автобус йўналишлари алоҳида назоратга олинган.
6 кунда — 2 152 та қоидабузарлик аниқланди
2026 йил 28-октабрдан 2 ноябрга қадар мазкур йўналишларда ўтказилган назорат тадбирлари давомида йўл ҳақини тўламаган йўловчиларга нисбатан Ўзбекистон Республикаси Маъмурий жавобгарлик тўғрисидаги кодексининг 144-моддаси 5-қисмига асосан жами 2 152 та маъмурий баённома расмийлаштирилди.
Қоидабузарликлар таҳлилига кўра, энг кўп ҳолатлар:
174-йўналишда — 291 та;
120-йўналишда — 286 та;
56-йўналишда — 284 та;
169-йўналишда — 284 та маъмурий баённома тузилган.
Назорат даврида айрим йўналишларда йўловчилар оқимида ҳам сезиларли ўсиш кузатилди. Хусусан, 2 ноябрь куни 28 октябрь билан таққослаганда, 174-йўналишда ташилган йўловчилар сони 1 692 нафарга ёки 32,4 фоизга, 56-йўналишда эса 1 256 нафарга ёки 13,9 фоизга ошган.
Шунингдек, олти кун давомида мазкур 8 та автобус йўналишида жами 326 453 нафар йўловчи ташилиб, 6 501 та қатнов амалга оширилган.
