Қарор билан алоҳида таълим эҳтиёжлари бўлган болаларга нодавлат таълим ташкилотлари томонидан коррекцион синф ташкил этган ҳолда умумий ўрта таълим хизматларини кўрсатиш харажатларини субсидиялаш тартиби тўғрисидаги низом тасдиқланди.
Низомга мувофиқ, коррекцион синф ташкил этиш истагидаги нодавлат таълим ташкилоти тегишли битимни тузиш учун умумий ўрта таълим хизматлари кўрсатиладиган ҳудуддаги ҳудудий бошқармага «ЯМИҲ» ахборот тизими орқали белгиланган маълумотларни кўрсатган ҳолда ариза билан мурожаат қилади.
Ариза кўриб чиқилганидан сўнг, ҳудудий бошқарма томонидан бир иш куни ичида:
битим тузишни рад этиш учун асослар аниқланмаган тақдирда, ахборот модулида битим тузиш мақсадга мувофиқлиги тўғрисида хулоса расмийлаштирилади;
шундан сўнг тегишли битим имзоланади.
Бунда нодавлат таълим ташкилотининг ҳар бир коррекцион синфидаги ўқувчилар сони 12 нафардан ошмаслиги лозим.
Коррекцион синфда таълим оладиган ҳар бир бола учун тўлиқ бир ойга қуйидаги миқдорларда субсидия ажратилади:
Тошкент шаҳрида — базавий ҳисоблаш миқдорининг 11 баравари;
вилоятлар марказлари ва Нукус шаҳрида — БҲМнинг 9,5 баравари;
бошқа туман ва шаҳарларда — БҲМнинг 8,5 баравари.
