Мулоқот давомида медиа соҳасида ҳамкорликни йўлга қўйиш, журналистлар учун халқаро тажриба алмашиш дастурларини ташкил этиш ҳамда ўзаро ҳамкорлик истиқболлари юзасидан фикр алмашилди.
IREX (International Research & Exchanges Board) — АҚШда ташкил этилган халқаро нотижорат ташкилот бўлиб, таълим, журналистика, ахборот алмашинуви ва институционал ривожланиш йўналишларида фаолият юритади.
Ташкилот шу кунга қадар 100 дан ортиқ мамлакатда турли ҳамкорлик лойиҳаларини амалга оширган. Унинг асосий мақсади таълимни ривожлантириш, ахборотдан фойдаланиш имкониятларини кенгайтириш, етакчилик салоҳиятини ошириш ва жамият институтларини мустаҳкамлашдан иборат.
Шунингдек, IREX журналистлар малакасини ошириш, медиа ташкилотлар салоҳиятини ривожлантириш, медиа саводхонликни юксалтириш, сохта ахборот ва дезинформацияга қарши курашишга қаратилган қатор лойиҳаларни амалга ошириб келмоқда.
