Бу борадаги тизимли ёндашув самарасида банкка бириктирилган 680га яқин маҳаллаларда жорий йилнинг биринчи ярмида 19 мингдан зиёд аҳоли доимий иш билан таъминланди, қарийб 89 минг фуқаронинг даромади оширилди.
Асрлар садосини янги авлодга улаган ҳунар
Андижон вилояти Шаҳрихон шаҳридаги “Нур” маҳалласида 1810 йилда Нажмиддин ота асос солган пичоқчилик анъанаси бугун сулоланинг тўққизинчи авлоди томонидан муносиб давом эттирилмоқда. Ёш ҳунарманд Аробиддин бобоси Алихўжа ота билан бирга устахонани ривожлантирмоқда.
Ушбу жараёнда маҳалла банкири ҳам унинг ишончли ҳамкорига айланган. Бугун устахонада беш нафар шогирд ҳунар сирларини ўрганмоқда, ўттиздан ортиқ турдаги пичоқ ишлаб чиқарилмоқда, маҳсулотлар хорижий харидорларга ҳам етказиб берилмоқда. Шу тариқа асрлар давомида сақланиб келаётган миллий ҳунар янада ривожланиб, келажак авлодга етказилмоқда.
Гидропоника – замонавий технология ва барқарор даромад
Ангрен шаҳридаги “Самарчуғ” маҳалласида маҳалла банкири кўмагида тадбиркор Тўрабек Ибрагимов гидропоника усулида қулупнай етиштиришни йўлга қўйди.
Бугун мазкур лойиҳа йилига икки мавсум ҳосил бериб, ҳар сафар ўртача икки тонна қулупнай етиштирмоқда. Натижада йиллик даромад 300 миллион сўмдан ошди. Бу эса замонавий агротехнологиялар маҳаллий тадбиркорлик учун қанчалик самарали эканини амалда кўрсатмоқда.
Эътиборлиси, бу каби лойиҳалар “Бизнесга биринчи қадам” дастури орқали мамлакатнинг турли ҳудудларида кенгайиб бормоқда. Жорий йилнинг 30 июль ҳолатига кўра, дастур доирасида 10,6 мингдан зиёд фуқарога жами 375,4 млрд сўм кредит ажратилиб, режа 180 фоизга бажарилди. Бу битта ҳовли қулупнайзоридан бошланган тажрибанинг минглаб оилалар даромадига айланаётганини англатади.
“Ўзгариш”даги ўзгаришлар
Давлатимиз раҳбарининг Тошкент шаҳри Сергели туманига ташрифи давомида маҳаллаларда амалга оширилаётган ислоҳотлар самараси яна бир бор намоён бўлди. Туманнинг “Ўзгариш” маҳалласида фаолият юритувчи маҳалла банкири Бекзод Убаев кўмагида ўндан ортиқ янги тадбиркорлик субъекти молиявий қўллаб-қувватланди. Пировардида, бир маҳаллада тикувчилик, сартарошлик, ҳунармандчилик, ярим тайёр маҳсулотлар ҳамда нон ва нон маҳсулотлари ишлаб чиқаришга доир янги бизнес лойиҳалар ишга тушди.
Бунда маҳалла банкири аҳоли эҳтиёжлари ва ҳудуднинг бизнес салоҳиятини чуқур ўрганиб, нафақат тадбиркорлик лойиҳаларини татбиқ этишга, балки маҳаллада бандлик даражасини ошириш, хизматлар кўламини кенгайтиришга муносиб ҳисса қўшди.
Ислоҳотларнинг инсонлар ҳаётидаги ифодаси
Шаҳрихондаги ҳунарманд, Ангрендаги қулупнай етиштирувчи тадбиркор ва Сергелида ўз бизнесини бошлаган фуқаролар ҳақидаги мисоллар маҳалла банкирлари фаолиятининг ҳақиқий мазмунини кўрсатади.
Маҳалла банкирлари орқали банк стратегияси рақамлардан амалий натижага айланиб, одамларнинг иш билан таъминланиши, даромадининг ошиши ва тадбиркорлик ташаббусларининг рўёбга чиқишига хизмат қилмоқда. Бу эса ҳар бир маҳалланинг иқтисодий имкониятини кучайтириш, аҳоли фаровонлигини юксалтириш ҳамда ижтимоий ислоҳотларнинг амалий натижасини таъминлашда муҳим аҳамият касб этмоқда.
“Ўзсаноатқурилишбанк” АТБ
Ташқи алоқаларни мувофиқлаштириш хизмати
Ҳамкорлик материали
