Тадбирда Ички ишлар вазирлиги раҳбарияти, соҳа фахрийлари ҳамда таркибий бўлинмалар раҳбарлари иштирок этди.
Маросимда Ботир Қудратхўжаевнинг Ички ишлар вазирининг биринчи ўринбосари — Тезкор-қидирув департаменти бошлиғи лавозимидаги фаолияти сарҳисоб қилинди.
Хусусан, унинг уюшган жиноятчилик, наркотрафик ва терроризмга қарши курашиш, киберхавфсизликни таъминлаш, одам савдосига барҳам бериш ҳамда ушбу йўналишлардаги ишларни мувофиқлаштириш борасидаги фаолияти эътироф этилди. Шунингдек, унинг бой тажрибаси ва хизмат вазифаларига масъулият билан ёндашуви алоҳида таъкидланди.
Хизмат фаолияти давомида эришган ютуқлари ва ички ишлар органлари тизими ривожига қўшган ҳиссаси учун Ботир Қудратхўжаевга Ички ишлар вазирининг буйруғи билан «Ички ишлар органларининг фахрий ходими» кўкрак нишони тантанали равишда топширилди.
Маросимда генерал-майорнинг янги лавозимдаги фаолиятига муваффақият тилаб, мамлакат мудофаа салоҳиятини мустаҳкамлаш, Ватан тинчлиги ва хавфсизлигини таъминлаш йўлидаги масъулиятли вазифаларни бажаришда улкан ютуқлар тилади.
