Наманган вилояти ҳокими Шавкатжон Абдураззоқов бошчилигидаги делегациянинг Беларусь Республикасига расмий ташрифи доирасида ташкил этилган “Савдо уйлари”да тўқимачилик ва трикотаж маҳсулотларининг кўргазма-савдоси йўлга қўйилди.
Хусусан, “Art soft home” компаниясининг экспорт маҳсулотлари намойиш этилди.
Очилиш маросимида Минск шаҳар ижроия қўмитаси, тегишли вазирлик ва идоралар ҳамда ҳамкор ташкилотлар вакиллари иштирок этди.
Янги “Савдо уйлари” Наманган корхоналари маҳсулотларини Беларусь бозорида тарғиб қилиш ва икки ҳудуд ўртасидаги савдо-иқтисодий алоқаларни кенгайтириш учун қўшимча имконият яратади.
