Khaosod нашрига кўра, ёнғин душанба куни кечқурун мотоцикл ижараси дўкони яқинидаги ёнилғи сотадиган автомат ёнида содир бўлган ва яқин атрофдаги биноларга тарқалган.
Ёнғин бешта тўрт қаватли тижорат биносини қамраб олган. Ижара дўкони ёнида тўхтаб турган бир нечта мотоциклларга ҳам зарар етган.
Воқеа жойига ўт ўчирувчилар ва фавқулодда вазиятлар хизмати етиб келди. Ёнғинни ўчириш учун бешта ўт ўчириш машинаси сафарбар қилинди. Қутқарувчилар ёнғинни тахминан 40-50 дақиқада назорат остига олишди.
Дастлабки маълумотларга кўра, тутундан заҳарланиш оқибатида 38 киши жабрланган. Улар Патонг шифохонасига олиб кетилган.
Патонг полиция бўлими бошлиғининг хабар беришича, олинган маълумотларга кўра, ҳалок бўлганлар сони 11 нафарга етган.
Ёнғин сабаби ва ўлим ҳолатлари текширилмоқда, деб хабар берди report.az.