Бу ҳақда Пенсия жамғармаси эълон қилган инфографикада айтиб ўтилган.

Қайд этилишича, бунинг учун улар ҳар ойда оила аъзоси номидан меҳнатга ҳақ тўлашнинг энг кам миқдорининг 12 фоизи миқдорида ихтиёрий равишда ижтимоий солиқ тўлайди.

Янги тартибга кўра, расмий даромадга эга бўлган шахслар ишламайдиган ота-онаси, турмуш ўртоғи, фарзандлари ва бошқа оила аъзолари учун ижтимоий солиқ тўлаши мумкин.

Бунда ижтимоий солиқ ҳар ойда тўланади ва унинг ҳисобига ишламайдиган оила аъзосига иш стажи шакллантирилади.

Ижтимоий солиқ миқдори меҳнатга ҳақ тўлашнинг энг кам миқдорининг 12 фоизини ташкил этади. Мисол учун, агар меҳнатга ҳақ тўлашнинг энг кам миқдори 1 миллион 360 минг сўм бўлса, бир ойлик ижтимоий солиқ 163 минг 200 сўмни ташкил этади.

Бунда 12 ой давомида тўланадиган жами сумма 1 миллион 958 минг 400 сўмга тенг бўлади.

Натижада, ишламайдиган оила аъзосига бир йиллик иш стажи шакллантирилади.

Мазкур тартиб Президентнинг 2026 йил 28 сентябрдаги ПҚ–355-сон қарорида белгиланган бўлиб, аҳолининг ижтимоий ҳимоясини кучайтириш ва ишламайдиган оила аъзоларининг келгусида пенсия таъминоти учун зарур иш стажини шакллантиришга қаратилган.