The Hindu нашрининг хабар беришича, воқеа 11 ноябрь куни маҳаллий вақт билан соат 06:54 атрофида Камруп окуругидаги Дигару темир йўл станцияси ҳудудида содир бўлган.
Ҳиндистоннинг шимолий-шарқий чегара темир йўли маълумотларига кўра, 13125-сонли поезд Калкуттадан Мизорам штатида жойлашган Сайрангга кетаётган эди.
Капинжал темир йўл маъмурияти вакили Кишор Шарманинг сўзларига кўра, воқеа таркиб станцияга етиб келганида содир бўлган, у ерда у яна бир поездни ўтказиб юбориши керак эди.
“Машинист тезликни назорат қила олмаган, оқибатда локомотив ва бешта вагон рельсдан чиқиб кетган”, деб тушунтирди у.
Темир йўл вакили барча йўловчилар хавфсиз эканлигига ишонч билдирди. Уларни кейинчалик олиб кетиш учун яна бир поезд ҳозирланди.
Воқеа жойига фавқулодда ва қутқарув гуруҳлари ҳамда темир йўл бошқармаси вакиллари юборилди. Мутахассислар тиклаш ишлари ва йўлларни тозалашга киришишди, деб хабар берди report.az.
