Воқеа 9 ноябрь куни соат 15:30 атрофида Гулшан маҳалласида содир бўлган. Патруль-пост хизмати инспекторларига номаълум шахс қўлида пичоқ билан юргани ҳақида хабар келиб тушган.
Хабар асосида воқеа жойига етиб борган ходимлар қўлида ўткир тиғли жисм тутган ва тажовузкор кайфиятдаги эркакка дуч келган. Инспекторлар унга яқинлашмоқчи бўлганида, у ҳеч кимни ўзига яқинлаштирмаслигини, акс ҳолда ўзини пичоқлашини айтиб таҳдид қилган.
Вазиятни кескинлаштирмаслик ва атрофдагилар хавфсизлигини таъминлаш мақсадида ходимлар эркакнинг диққатини чалғитган. Қўл жанги усулларидан фойдаланиб, унинг қўлидаги пичоқни олиб қўйишга муваффақ бўлган.
Суриштирув давомида ушбу шахс Гулшан маҳалласида яшовчи, 1971 йилда туғилган, вақтинча ишсиз фуқаро экани аниқланган.
Ҳозирда у ҳудудий ички ишлар бўлимига топширилган. Ҳолат юзасидан тегишли профилактик ва суриштирув ишлари олиб борилмоқда.
