Болалар омбудсмани маълум қилишича, 2026 йил 28 сентябрь куни Фарғона вилоятида яшовчи, 2012 йилда туғилган қиз Қўқон шаҳридаги меҳмонхонада жинсий зўравонликка учраган.
Мазкур ҳолат юзасидан 29 сентябрь куни Жиноят кодексининг 128-моддаси 3-қисми «а» банди билан жиноят иши қўзғатилган. Иш доирасида гумонланувчи ушланиб, 30 сентябрь куни суд қарори билан унга нисбатан қамоққа олиш тарзидаги эҳтиёт чораси қўлланилган.
Қайд этилишича, 9 ноябрь куни Қўқон шаҳар прокуратураси томонидан жиноят иши Жиноят кодексининг 118-моддаси 4-қисми билан қайта малакаланган.
Ҳозирда дастлабки тергов ҳаракатлари давом этмоқда. Вояга етмаган жабрланувчининг руҳий ҳолатини тиклаш ва қонуний манфаатларини ҳимоя қилиш мақсадида Ижтимоий ҳимоя миллий агентлиги масъул ходимлари томонидан унга психологик ҳамда юридик ёрдам кўрсатилмоқда.
Болалар омбудсмани жабрланувчининг процессуал ҳуқуқлари таъминланиши юзасидан кузатувни давом эттиришини маълум қилди.
