Бош прокуратура ҳузуридаги Департаментнинг Наманган шаҳар бўлими ходимлари томонидан ўтказилган тезкор тадбирда аниқланишича, бўлим бошлиғи Ф.А. ва уста А.А. фуқаро Б.К.га тегишли «Гўзал» МФЙдаги нотурар бинода электр ҳисоблагич носозлигини важ қилиб, далолатнома расмийлаштирилса, унга 300 млн сўм жарима солинишини айтган.
Улар 4 минг АҚШ доллари эвазига далолатнома расмийлаштирмасликни ваъда қилган. Келишилган пулдан 2 500 долларини олаётган вақтда ходимлар ашёвий далиллар билан ушланган.
Ҳолат юзасидан Жиноят кодексининг 210-моддаси (пора олиш) ва 212-моддаси (пора олиш-беришда воситачилик қилиш) билан жиноят иши қўзғатилган. Ҳозирда тергов ҳаракатлари олиб борилмоқда.
