Янги платформа орқали фойдаланувчилар истеъмол нархлари индекси, асосий озиқ-овқат маҳсулотлари ва ёнилғининг ҳудудлар ҳамда туманлар кесимидаги ҳафталик ўртача нархлари билан танишишлари мумкин.
Шунингдек, унда уй-жой бозори нархлари индекси ва саноат ишлаб чиқарувчилари нархлари индексига оид маълумотлар ҳам жойлаштирилган.
Платформада инфляция ва истеъмол харажатлари калькуляторларидан фойдаланиш, маълумотларни CSV ва JSON форматларида юклаб олиш имконияти мавжуд. Бундан ташқари, фойдаланувчилар маълумотларни API орқали рўйхатдан ўтмасдан олишлари мумкин.
Янги платформа ҳақида Миллий статистика қўмитасида ўтказилаётган матбуот анжуманида маълум қилинди.
