Навоий вилояти Конимех туманида содир бўлган йўл-транспорт ҳодисаси оқибатида икки киши ҳалок бўлди, дея хабар бермоқда вилоят ИББ.
Ҳодиса 2 май куни соат 07:20 атрофида А379 Навоий-Учқудуқ халқаро автомобиль йўлининг 142−143 километрлари оралиғида содир бўлган.
Ҳайдовчи Н.Ж. бошқарувида бўлган Nexia 3 автомобили Зарафшон-Навоий йўналиши бўйлаб ҳаракатланиб келиб, тезликни ошириши сабабли йўлнинг хавфли бурилиш жойида бошқарувни йўқотган.
Сўнгра қарама-қарши томонга чиқиб кетиб, фуқаро М.А. бошқарувида бўлган Sсania 114L юк машинаси билан тўқнашган. Оқибатда Nexia 3 ҳайдовчиси ва йўловчиси оғир тан жароҳатлари сабаб вафот этган.
Ҳозирда ҳолат юзасидан жиноят иши қўзғатилиб, воқеа тафсилотларини ўрганиш юзасидан дастлабки тергов ҳаракатлари олиб борилмоқда.
