Дониёр Юсупов Тошкент автомобиль йўллари институтининг бакалавриат ва магистратура босқичларини автомобиль йўллари ва иншоотлари қурилиши ҳамда автомобиль йўллари ва аэродромлар мутахассисликлари бўйича тамомлаган.
У меҳнат фаолияти давомида Тошкент шаҳар йўл қурилиш ва таъмирлаш трести, Республика йўл жамғармаси, автомобиль йўлларини қуриш ва реконструкция қилиш дирекцияси, Тошкент шаҳар минтақавий йўлларга буюртмачи хизмати ҳамда Юнусобод тумани ҳокимлигида масъул лавозимларда ишлаган.
Тайинловга қадар Дониёр Юсупов Юнусобод тумани ҳокимининг қурилиш, тўсиқсиз муҳит яратиш, коммуникацияларни ривожлантириш, экология ва кўкаламзорлаштириш масалалари бўйича ўринбосари лавозимида фаолият юритган.
