Тошкент шаҳар ҳокимининг қарорига кўра, мазкур шохобчаларни жойлаштириш билан боғлиқ топографик ишлар учун 140,4 млн сўм маблағ ажратилади.
Маблағлар Тошкент шаҳар ҳокимлиги ҳузуридаги Тошкент шаҳрини ривожлантириш жамғармаси ҳисобидан «Қурилишда муҳандислик қидирувлари, геоахборот, шаҳарсозлик кадастри лойиҳа илмий-тадқиқот институти» МЧЖга ажратилиши белгиланган.
Қарор Ўзбекистон Республикаси Президентининг Тошкент шаҳрини 2026–2027 йилларда ижтимоий-иқтисодий ривожлантириш бўйича қўшимча чора-тадбирлар тўғрисидаги қарорига мувофиқ қабул қилинган.
Ҳужжатга кўра, 2026 йилда пойтахтнинг марказий ва туризм кўчалари, хиёбонлар ҳамда аҳоли ва сайёҳлар ташриф буюрадиган объектлар атрофида замонавий лойиҳалар асосида 100 та санитария-гигиена шохобчасини соддалаштирилган тартибда давлат-хусусий шериклик шартлари асосида ташкил этиш белгиланган.
Ажратилган маблағларнинг мақсадли сарфланиши устидан назорат ўрнатилиши белгиланган.
