Тадбирда Хоразм вилояти прокурори ўринбосари Худайберган Норқобилов ҳамда университет ректори Феруза Мадраҳимова иштирок этиб, ярмаркада қатнашаётган корхона ва ташкилотлар вакиллари билан суҳбатлашди. Мулоқотлар давомида ёшлар бандлигини таъминлаш, битирувчиларни мутахассислиги бўйича ишга жойлаштириш ҳамда меҳнат бозорига самарали йўналтириш масалаларига алоҳида эътибор қаратилди.
Мазкур меҳнат ярмаркасида вилоятдаги 350 га яқин идора, ташкилот ва муассасаларнинг 1820 та бўш иш ўринлари битирувчиларга таклиф этмоқда. Жорий йилда университетни 6391 нафар битирувчи тамомлаётганини инобатга олсак, ушбу ярмарка уларнинг касбий фаолиятини бошлашда муҳим имкониятлар майдонига айланди.
Ярмарка давомида битирувчилар иш берувчилар билан бевосита учрашиб, мавжуд вакансиялар, меҳнат шароитлари, ишга қабул қилиш тартиби ҳамда келгусидаги касбий фаолият истиқболлари юзасидан батафсил маълумот олиб, шу ернинг ўзида ишга кириш бўйича шартномалар имзолашга мувофиқ бўлишди.
Мазкур ташаббус ёшларнинг бандлигини таъминлаш, уларнинг меҳнат бозорида муносиб ўрин эгаллашига кўмаклашиш ҳамда олий таълим муассасаси билан иш берувчилар ўртасидаги ҳамкорликни янада мустаҳкамлашга хизмат қилди.
Ҳамкорлик материали
