Халқаро контент бозорида Ўзбекистон ҳам ўз кино маҳсулотларини тақдим этди. Мамлакат делегацияси турли жанрлардаги 300 дан ортиқ фильм ва 9 та йирик кинолойиҳани намойиш қилди.
Тадбир доирасида ўзбекистонлик вакиллар потенциал харидорлар ҳамда хорижий ҳамкорлар билан бир қатор учрашувлар ўтказди. Унда миллий кино маҳсулотларини халқаро бозорга олиб чиқиш ва ҳамкорлик алоқаларини кенгайтириш масалаларига эътибор қаратилди.
Қайд этилишича, бундай халқаро майдонлар маҳаллий кино ва бошқа аудиовизуал контент маҳсулотларини хорижий аудиторияга етказиш, янги ҳамкорлар топиш ҳамда халқаро дистрибуция имкониятларини кенгайтиришда муҳим аҳамиятга эга.
Ўзбекистон делегациясининг кейинги учрашув манзили — 2027 йилда ўтказиладиган Tashkent Content Market бўлади.