Маълум қилинишича, 2026 йил 7 октябрь куни соат 08:22 да «Шаҳристон» метро бекатида 1985 йилда ишлаб чиқарилган эски ҳаракат таркибининг 69-сонли поездида техник носозлик юзага келган.
Носозлик сабабли поезд 6 дақиқа давомида ҳаракатлана олмаган.
Шундан сўнг йўловчилар поезддан туширилиб, ҳаракат таркиби техник кўрикдан ўтказиш учун махсус йўлакка олиб кетилган.
Йўловчиларга хизмат кўрсатишда узилишларга йўл қўймаслик мақсадида зудлик билан захира поезд йўналишга чиқарилган.
Ҳозирда мазкур ҳолат бўйича тегишли техник чоралар кўрилган.
«Тошкент метрополитени» АЖ юзага келган ноқулайлик учун йўловчилардан узр сўраган.
