Бу ҳақда Адлия вазирлиги хабар берди.
Мазкур рўйхатдан ўтказиш Самарқанд нонининг ўзига хослигини эътироф этиш, миллий гастрономик меросни асраш ҳамда маҳсулотнинг бозордаги нуфузини ошириш йўлидаги муҳим қадамлардан бири ҳисобланади.
«Самарқанд нони» номининг географик кўрсаткич ва товар белгиси сифатида рўйхатдан ўтказилиши миллий брендларни ҳуқуқий муҳофаза қилиш ва уларнинг иқтисодий салоҳиятини оширишда муҳим аҳамиятга эга.
«Товар белгилари, хизмат кўрсатиш белгилари ва товар келиб чиққан жой номлари тўғрисида»ги қонунга мувофиқ, товар белгиси учун гувоҳнома 10 йил муддатга берилади.
Маълумот учун, 2025 йил февраль ойида «Самарқанд нони» географик кўрсаткич сифатида давлат рўйхатидан ўтказилган эди.
