Бош прокуратура ҳузуридаги Департаментнинг Фурқат тумани бўлими томонидан ўтказилган терговга қадар текширувда жамиятнинг туман бўлими ходими Х.Т.га оид ҳолат аниқланган.
Маълум қилинишича, Х.Т. «А.П.» МЧЖга нисбатан ичимлик сувидан ноқонуний фойдаланиш ҳолати юзасидан ўрганиш далолатномасини расмийлаштирган. У «А.П.» МЧЖ ҳудудидаги цехда 8,4 млн сўмлик ичимлик сувидан ноқонуний фойдаланилгани ҳақида далолатнома тузилганини маълум қилиб, Ж.М.дан 2 млн сўм берса, ҳужжатни йўқ қилиб беришини ваъда қилган.
Текширувга кўра, Х.Т. 2 млн сўмни фирибгарлик йўли билан қўлга киритган. Кейинчалик ушбу маблағнинг қайтарилиши процессуал тартибда расмийлаштирилган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари олиб борилмоқда.
