Йиғилишда республикадаги энг қадимий сув иншоотларидан бири — «Жўйзар» каналида амалга ошириладиган лойиҳалар муҳокама қилинди.
Маълум қилинишича, каналнинг 22,5 километрлик қисми бетонланади. Бу орқали йилига 12 миллион куб метр сув исрофининг олди олиниши кутилмоқда.
Йиғилишда сув ресурсларидан самарали фойдаланиш, ирригация тизимини модернизация қилиш ҳамда ҳудуд инфратузилмасини яхшилаш масалаларига алоҳида эътибор қаратилди.
Шунингдек, маданий объектларни реконструкция қилиш ишлари ҳам муҳокама қилинди. Хусусан, Бухоро қўғирчоқ театри ҳамда С. Айний номидаги театрни таъмирлаш ва янгилаш бўйича режалар кўриб чиқилди.
Томонлар сайёҳлик инфратузилмасини ривожлантириш ва туристлар учун янада қулай шароитлар яратиш юзасидан таклифларни ҳам муҳокама қилди.
