Бу Вазирлар Маҳкамасининг 2026 йил 9 октябрдаги 557-сон қарорида белгиланган, дея хабар бермоқда Миллий статистика қўмитаси Матбуот хизмати.
Қайд этилишича, тўлов миқдори рўйхатга олинган иқтисодий бирликнинг турига боғлиқ бўлади:
- расмий иқтисодий бирлик бўйича ҳар бир қабул қилинган сўровнома учун — 6 120 сўм;
- норасмий иқтисодий бирлик бўйича ҳар бир қабул қилинган сўровнома учун — 8 160 сўм.
Масалан, ҳоким ёрдамчиси 400 та расмий ва 100 та норасмий иқтисодий бирликни тўлиқ рўйхатга олса, унга жами 3 миллион 264 минг сўм бир марталик рағбатлантириш тўлови ҳисобланади.
Рағбатлантириш тўловлари Миллий статистика қўмитаси томонидан амалга оширилади. Маблағлар бириктирилган ҳудудда иқтисодий бирликларни рўйхатга олиш тўлиқ қамраб олингандан сўнг тўланади.
Ўзини ўзи банд қилган шахслар бизнесни рўйхатга олиш тадбирида онлайн иштирок этади. Шу сабабли улар бўйича ҳоким ёрдамчиларига бир марталик рағбатлантириш тўлови ҳисобланмайди.
