Бул Министрлер Кабинетиниң 2026-жыл 9-октябрьдеги 557-санлы қарарында белгиленген, деп хабар бермекте Миллий статистика комитетиниң Баспасөз хызмети.
Атап өтилиўинше, төлем муғдары дизимге алынған экономикалық бирликтиң түрине байланыслы болады:
рәсмий экономикалық бирлик бойынша ҳәр бир қабыл етилген сораўнама ушын — 6 120 сум;
рәсмий емес экономикалық бирлик бойынша ҳәр бир қабыл етилген сораўнама ушын — 8 160 сум.
Мәселен, ҳәким жәрдемшиси 400 рәсмий ҳәм 100 рәсмий емес экономикалық бирликти толық дизимге алса, оған жәми 3 миллион 264 мың сум бир мәртелик хошаметлеў төлеми есапланады.
Сыйлықлаў төлемлери Миллий статистика комитети тәрепинен әмелге асырылады. Қаржылар бириктирилген аймақта экономикалық бирликлерди дизимге алыў толық қамтып алынғаннан соң төленеди.
Өзин-өзи бәнт еткен шахслар бизнести дизимге алыў илажында онлайн қатнасады. Сол себепли олар бойынша ҳәким жәрдемшилерине бир мәртелик хошаметлеў төлеми есапланбайды.
