«Ўзбекистон Президенти Шавкат Мирзиёевнинг энг эзгу, самимий тилакларини етказдим», — деб ёзди Саида Мирзиёева ўзининг Telegram-каналида.
Унинг таъкидлашича, Ўзбекистон ва Туркияни дўстлик ҳамда яқин ҳамкорлик ришталари боғлаб туради. Мулоқот чоғида биргаликдаги саъй-ҳаракатлар натижалари ва мамлакатлар ўртасидаги алоқаларни янада мустаҳкамлаш истиқболлари муҳокама қилинган.
Саида Мирзиёева Туркия Президентига самимий қабул, Ўзбекистонга қаратилаётган алоҳида эътибор ҳамда қардош халқлар ўртасидаги дўстона муносабатларни қўллаб-қувватлаётгани учун миннатдорлик билдирган.
