Дунёнинг энг кучли 10 нафар гроссмейстери иштирок этган нуфузли турнирда Ўзбекистон шарафини Нодирбек Абдусатторов ҳимоя қилди.
Рапид ва блиц баҳслари якунларига кўра, ўзбекистонлик шахматчи 23,5 очко тўплаб, Франция вакили Алиреза Фирузжа билан бир хил натижа қайд этди.
Ғолибни аниқлаш учун ўтказилган тай-брейкнинг икки партияси 1:1 ҳисобида якунланди. Армагеддон баҳсида эса омад француз гроссмейстери томонида бўлди.
Якуний натижаларга кўра, биринчи ўринни Алиреза Фирузжа, иккинчи ўринни Нодирбек Абдусатторов, учинчи ўринни эса яна бир Франция вакили Максим Вашье-Лаграв эгаллади.
Ҳамюртимиз мусобақани фахрли иккинчи ўринда якунлаб, 42,5 минг АҚШ доллари миқдоридаги мукофот пули соҳиби бўлди.
