“Tai chang special steel” МЧЖ томонидан амалга оширилаётган мазкур лойиҳа ҳудуд саноат салоҳиятини оширишга қаратилган.
Лойиҳа стратегик
аҳамиятга эга бўлиб, юқори сифатли легирланган пўлатдан йирик ўлчамли металл
прокат маҳсулотлари ишлаб чиқаришни йўлга қўйишни назарда тутади. Бу орқали
импорт ўрнини босиш ва ички бозорни маҳаллий маҳсулотлар билан таъминлаш кўзда
тутилган.
Мажмуа учун 14 гектар
ер майдони ажратилган. Қурилиш ишлари замонавий технологиялар ва халқаро
стандартлар асосида олиб борилади. Умумий қиймати 50,8 млн АҚШ долларини ташкил
этувчи корхона тўлиқ ишга тушгач, йилига 600 минг тонна маҳсулот ишлаб чиқариш
қувватига эга бўлади.
Янги корхона ички
талабни қондириш билан бирга экспорт имкониятларини ҳам кенгайтиришга хизмат
қилади. Бу эса Оҳангарон тумани иқтисодиёти ўсиши, саноат инфратузилмасининг
мустаҳкамланиши ва янги ишлаб чиқариш занжирларининг шаклланишига туртки
беради.
Лойиҳани 2027 йилда
фойдаланишга топшириш режалаштирилган. Унинг ишга туширилиши натижасида 200 та
доимий иш ўрни яратилади.
Тадбирда туман ҳокими Баҳром Норқобилов иштирок этиб, мамлакатда инвестиция муҳитини яхшилаш ва ҳудудларда саноатни ривожлантириш бўйича амалга оширилаётган ислоҳотлар ҳақида маълумот берди.
