Тадқиқот Мюнхендаги Людвиг Максимилиан университети, Регенцбург университети ва Берлин эркин университети олимлари жамоаси томонидан олиб борилди. Натижалар Science Advances журналида чоп этилди, деб хабар берди Kazinform.
Олимлар лабораторияда Энцелад океан тубида мавжуд бўлган шароитларни қайта яратишди. Ойнинг музли қобиғи остида суюқ сув, ундан ҳам чуқурроқда эса тошлоқ ядро ётади.
Олимлар сунъий равишда яратилган муҳитга Methanothermococcus okinawensis археасини киритишди. Ерда бу микроорганизм чуқур денгиз гидротермал тешиклари яқинида яшайди ва кислородсиз яшай олади. У энергия учун водород ва карбонат ангидридга муҳтож.
Тажриба шуни кўрсатдики, археялар Энцеладнинг симуляция қилинган муҳитида ўсишда давом этиб, метан ҳосил қилган. Микроорганизм сувнинг тоғ жинслари билан ўзаро таъсири натижасида ҳосил бўлган водороддан фойдаланган ва ҳатто жуда паст карбонат ангидрид концентрациясига ҳам мослаша олган.
