Уч давлат Мудофаа вазирликларининг ҳарбий хизматчилари, жанговар техника, ҳарбий-денгиз флоти ва авиация воситалари, шунингдек, учувчисиз учиш аппаратлари иштирокидаги машғулотларнинг асосий мақсади қўшма операцияларга тайёргарлик даражасини ошириш, қўшинларнинг ўзаро ҳамжиҳатлигини яхшилаш ва ўқув-машғулот тартиб-қоидаларини стандартлаштириш, шунингдек, бўлинмаларнинг жанговар қобилиятини ривожлантиришдан иборат.
Тантанали очилиш маросимида масъул раҳбарлар сўзга чиқиб, турли йўналишларда илғор тажриба алмашиш, замонавий ёндашув ва усулларни ўзаро ўрганиш, ҳарбий бўлинмалар ўртасидаги амалий ҳамкорликни янада ривожлантириш бундай қўшма машғулотларнинг муҳим жиҳатларидан бири эканини таъкидлади.
Шунингдек, машғулотлар иштирокчилар олдида турган вазифаларни юқори савияда бажариш, ўзаро тажриба алмашиш ва самарали ҳамкорликни янада мустаҳкамлашга хизмат қилиши қайд этилди.
Маълумот учун, уч босқичли машғулотлар Озарбайжон армиясининг Қорабоғ иқтисодий ҳудудидаги «Қизилғая» ўқув-машғулот маркази, Нахичеван Мухтор Республикасидаги «Қорабоғлар» ўқув-машғулот маркази ҳамда Каспий денгизининг Озарбайжон секторидаги «Буюк Зира» ўқув-машғулот майдонларида бўлиб ўтади.
