Ўзбекистон Республикаси Президентининг “Мамлакатимизда ўзбек тилини янада ривожлантириш ва тил сиёсатини такомиллаштириш чора-тадбирлари тўғрисида” 2020 йил 20 октабрдаги ПФ-6084-сон Фармони билан тасдиқланган 2020 – 2030-йилларда ўзбек тилини ривожлантириш ва тил сиёсатини такомиллаштириш концепциясида илмий асосланган янги сўз ва атамаларни мунтазам равишда расмий муомалага киритиб бориш вазифаси белгиланган.

Мазкур топшириқ ижросини самарали таъминлаш мақсадида Ўзбекистон Республикаси Вазирлар Маҳкамаси ҳузуридаги Атамалар комиссияси томонидан турли фан ва фаолият соҳаларига оид атамалар мунтазам равишда таҳлил қилиниб, уларнинг миллий тил меъёрларига мос муқобиллари ишлаб чиқилмоқда ҳамда белгиланган тартибда расмий истеъмолга киритилмоқда. Ушбу жараён ўзбек тилининг илмий ва расмий услубдаги имкониятларини кенгайтириш, терминологик тизимни миллийлаштириш, атамаларнинг ягона меъёр асосида қўлланишини таъминлаш ҳамда давлат тилининг нуфузи янада мустаҳкамлашга хизмат қилмоқда.

41 та хорижий атаманинг расмий ўзбекча муқобили тасдиқланди. Жумладан:

антракт — танаффус;

банкет — зиёфат;

брекет — тишсим;

бренд — хосном;

датчик — сезгич;

дедлайн — сўнгмуддат;

декорация — саҳнабезак;

миксер — қорғич;

палатка — чодир;

раковина — чаноқ;

распродажа —арзонсотув;

суфлёр — шивирчи;

фрилансер — эркин ишчи;

эможи — ҳисбелги;

хештег — калицўз;

хостел — қўноқуй.