Учрашувда Ўзбекистон ва Покистон ўртасидаги стратегик шериклик муносабатларини янада мустаҳкамлаш ҳамда олий даражада эришилган келишувларни изчил амалга ошириш масалалари батафсил муҳокама қилинди.
Савдо-иқтисодий ва инвестициявий ҳамкорликни кенгайтириш, Стратегик ҳамкорлик кенгаши доирасидаги механизмларни фаоллаштириш, ўзаро савдо ҳажмини ошириш ҳамда ҳудудлараро алоқаларни ривожлантириш устувор вазифалар сифатида қайд этилди.
Ўзбекистон ташқи ишлар вазири элчига мамлакатимиздаги дипломатик фаолиятида муваффақият тилаб, ўзаро муносабатларни янги мазмун билан бойитиш йўлида яқин ва самарали ҳамкорлик қилишга тайёр эканлигини билдирди.
