Маълум қилинишича, Давлат хавфсизлик хизматининг Тошкент шаҳар бўйича бошқармаси ҳамда Бош прокуратура ҳузуридаги Департамент ходимлари ҳамкорлигидаги тадбирда Учтeпа тумани ИИО ФМБ Ҳуқуқбузарликлар профилактикаси бўлими катта инспектори 1995 йилда туғилган фуқародан ноқонуний равишда 10 минг АҚШ доллари олган вақтида ашёвий далиллар билан ушланди.
Терговга қадар текширувларда аниқланишича, инспектор 2025 йил декабрь ойида ушбу фуқарога тегишли МЧЖ ҳужжатларини сохталаштириш орқали IT хизматлари кўрсатиш баҳонасида чет эл фуқаросидан 450 минг АҚШ доллари олган 1990 йилда туғилган шахсга нисбатан жиноят иши қўзғатиш ва уни жавобгарликка тортишни ваъда қилиб, пул талаб қилган.
Шунингдек, жорий йил февраль ойида ички ишлар органлари томонидан мазкур МЧЖ билан боғлиқ фирибгарлик ҳолати бўйича жиноят иши қўзғатиш рад этилгани маълум бўлди.
Ҳозирда мазкур мансабдор шахсга нисбатан жиноят иши қўзғатилиб, тергов ҳаракатлари олиб борилмоқда.
