Бош прокуратура ҳузуридаги Департаментнинг Китоб тумани бўлими томонидан ўтказилган терговга қадар текширувда тижорат банкларидан бирининг ҳудудий бошқармаси етакчи мутахассиси Д.Ш. гўёки банкда юқори фоизли омонат тури борлигини айтиб, 2 нафар фуқароларни алдаб, улардан жами 19 000 АҚШ доллари ва 300 млн сўм пулларни олиб, банкка омонат сифатида қўймасдан ўзлаштириш йўли билан талон-торож қилганлиги аниқланган.
Департаментнинг Кўкдала тумани бўлими томонидан ўтказилган терговга қадар текширувда тижорат банкларидан бирининг Кўкдала БХМ собиқ маҳалла агенти А.Б. банкда юқори лавозимда ишловчи танишлари орқали фуқаро Х.Х.нинг номига 60 млн сўм миқдорида кредит ажратиб бериши эвазига ундан 300 АҚШ доллари ва 1 млн сўм пулларни олганлиги ҳамда ажратилган 60 млн сўм кредит маблағларини ҳам ўзлаштириш йўли билан талон-торож қилганлиги аниқланиб, ушбу пуллар ҳисобидан 2 млн сўм пулларнинг қайтарилиши процессуал тартибда расмийлаштирилган.
Департаментнинг Муборак тумани бўлими томонидан ўтказилган терговга қадар текширувда тижорат банкларидан бирининг Муборак филиали собиқ маҳалла агенти Г.А. фуқаро Ҳ.Ҳ.нинг ишончига кириб, уни алдаб, қалбаки ҳужжатлардан фойдаланиб, унинг номига банкдан 47 млн сўм миқдорида кредит олиб, ўзлаштириш йўли билан талон-торож қилганлиги аниқланиб, текшириш давомида ушбу кредит маблағлари банкка тўлиқ тўланган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
