Тадбир давомида фуқаро шартли харидорга 1 400 000 сўм эвазига 2 дона гугурт қутисига жойланган, умумий оғирлиги 5,6 грамм бўлган марихуанна гиёҳвандлик воситасини сотаётган вақтида қўлга олинди.
Тезкор тадбир давом эттирилиб, фуқаронинг кўрсатмасига асосан Косон туманида яшовчи бошқа бир фуқаронинг яшаш хонадони холислар иштирокида кўздан кечирилди. Натижада, ушбу хонадонда умумий оғирлиги 432 грамм бўлган марихуана гиёҳвандлик воситаси борлиги аниқланди.
Яна бир ҳолатда Чироқчи туманида яшовчи фуқаронинг яшаш хонадони кўздан кечирилганда, хонадон томорқасида 11 туп каннабис гиёҳвандлик ўсимлиги етиштирилаётгани аниқланди.
Бундан ташқари, Китоб туманида ўтказилган тезкор тадбир давомида “Мингчинор” ЙПХ масканида тўхтатилган автотранспорт воситаси холислар иштирокида кўздан кечирилди. Текширув жараёнида автомашинада йўловчи сифатида келаётган фуқаронинг ёнидан соф оғирлиги 3,8 грамм бўлган гашиш гиёҳвандлик моддаси аниқланиб, белгиланган тартибда расмийлаштириб олинди.
Ҳозирда юқоридаги барча ҳолатлар юзасидан божхона органлари томонидан жиноят ишлари қўзғатилган.
