ФВВнинг хабар беришича, шу йилнинг 15 сентябрь куни соат 10:30 да «112» тизими орқали Фавқулодда вазиятлар бошқармасига Қоровулбозор тумани «Чўлқувар» МФЙ ҳудудида жойлашган нефт маҳсулотларини сақлаш омборидаги резервуарлардан бирида ёнғин чиққанлиги ҳақида хабар келиб тушган.
Қутқарув бўлинмалари воқеа жойига зудлик билан етиб бориб, ёнғинни соат 11:18 да тўлиқ бартараф этган. Ёнғинни ўчириш ишларига 14 та қутқарув бўлинмаси жалб қилинган.
Дастлабки маълумотларга кўра, омбордаги 1 дона ёқилғи резервуари ёниб, зарарланган.
Ҳодиса натижасида 3 нафар фуқаро турли даражадаги куйиш тан жароҳатларини олган. Улар Қоракўл тумани тиббиёт бирлашмасига ётқизилган.
Ҳозирда ёнғиннинг келиб чиқиш сабаби ва етказилган зарар миқдори аниқланмоқда.
Воқеа жойида вилоят ФВБ, ИИБ, ССБ раҳбарияти ҳамда ҳамкор хизматлар ходимлари иш олиб бормоқда.
