Бу ҳақда Солиқ қўмитаси маълум қилди.
Қайд этилишича, мазкур маблағ хонадонларга ўрнатилган қуёш панеллари орқали ишлаб чиқарилиб, ягона электр энергетикаси тизимига узатилган 156 миллион 125 минг 388 киловатт-соат электр энергияси учун ажратилади.
Субсидияларнинг энг катта қисми қуйидаги ҳудудлар ҳиссасига тўғри келмоқда:
- Хоразм вилояти — 29,1 миллиард сўм;
- Бухоро вилояти — 27,1 миллиард сўм;
- Қорақалпоғистон Республикаси — 19,1 миллиард сўм.
Фуқаролар субсидия маблағларини «Солиқ» мобиль иловасидаги «Кешбэк ва имтиёзлар» хизмати орқали «Қуёшли хонадон» бўлимида жойлашган «Картага пул ўтказиш» функцияси ёрдамида ўз банк картасига ўтказиб олишлари мумкин.
Эслатиб ўтамиз, 2023 йил 1 апрелдан амалга оширилаётган «Қуёшли хонадон» дастурига мувофиқ, хонадонига қуёш панелларини ўрнатган жисмоний шахсларга қуёш панеллари орқали ишлаб чиқарилиб, ягона электр энергетикаси тизимига узатилган ҳар бир киловатт-соат электр энергияси учун 1000 сўм миқдорида субсидия ажратилади.
