Бу ҳақда Саида Мирзиёеванинг Telegram каналида хабар берилди.

Қайд этилишича, Янги Тошкент шаҳри концепцияси британиялик меъморлар томонидан ишлаб чиқилган.

«Шаҳар кўз ўнгимизда шиддат билан қад ростламоқда ва ривожланмоқда. Ҳурматли Президентимиз ташаббуси билан бошланган мазкур бунёдкорлик доирасида бугун улкан, кенг кўламли лойиҳалар амалга оширилмоқда», — деб ёзади Саида Мирзиёева.

Унинг таъкидлашича, британиялик меъморлар томонидан ишлаб чиқилган шаҳар концепцияси келгуси ўн йилликлар учун асос яратади.

Саида Мирзиёева тадбиркорларни Янги Тошкентга алоҳида эътибор қаратишга, ҳудудга сармоя киритиш, қурилиш ишларини амалга ошириш ва ўз бизнесини йўлга қўйишга чақирди.

«Мазкур масканнинг истиқболи ва имкониятлари беқиёс. Келинг, ушбу бетакрор, янги шаҳарни биргаликда бунёд этайлик!» — деди у.