Президент Администрацияси раҳбари Саида Мирзиёева ЖСТ бош директори Нгози Оконжо-Ивеала билан учрашув ўтказди.
Мулоқотда Ўзбекистоннинг ташкилотга аъзо бўлиш жараёнининг бориши ва олдинда турган якуний вазифалар муҳокама қилинган.
Саида Мирзиёева учрашувдан сўнг ЖСТ раҳбарига Ўзбекистоннинг аъзо бўлиш жараёнини доимий қўллаб-қувватлаб, экспертлик кўмаги кўрсатаётгани учун миннатдорлик билдирди.
«Бу йўлнинг катта қисмини босиб ўтдик. Бундан кейин шаҳдимизни сусайтирмасдан, бошланган ишни ниҳоясига етказишимиз жуда муҳим», — деб ёзди у.
Ўзбекистоннинг ЖСТга аъзо бўлиш жараёнида миллий қонунчиликни ташкилот қоидаларига мувофиқлаштириш ва аъзо давлатлар билан музокараларни якунлаш бўйича ишлар олиб борилмоқда.
