Дунёнинг ўнлаб мамлакатларидан келган иштирокчилар, ЮНЕСКО вакиллари, дипломатлар, олимлар ва рақс санъати усталари мазкур фестивал муносабати билан жам бўлди.
Очилиш маросимида Президент Администрацияси раҳбари Саида Мирзиёева Ўзбекистон Президентининг табригини ўқиб эшиттирди. Унда “Лазги” Ўзбекистон цивилизациясининг ёрқин рамзи эканига урғу берилган. 3 минг йиллик тарихга эга бу рақс бугун дунёнинг энг нуфузли саҳналарини забт этаётгани эътироф этилган.
