“Ҳудудгаз Самарқанд” газ таъминоти филиали комплаенс назорат тузилмалари, филиал мутахассислари ҳамда ҳуқуқ-тартибот органлари билан ҳамкорликда Самарқанд шаҳрида ўтказилган рейд вақтида табиий газдан ноқонуний фойдаланиш ҳолати фош этилди.
Шаҳарнинг Хожа Аҳрор Валий кўчасида жойлашган, фуқаро А.М. га қарашли умумий овқатланиш масканида хатлов ўтказилганда, табиий газ тармоғидан тўғридан-тўғри уланган ҳолда “зангори ёқилғи”дан ноқонуний фойдаланиб келинаётгани маълум бўлди.
Ҳолат бўйича далолатнома расмийлаштирилди ва дастлабки ҳисоб-китобларга кўра, 1 миллиард 858 миллион сўмлик зарар қайд этилди. Барча ҳужжатлар ҳуқуқни муҳофаза қилувчи органларга юборилди.
