Бош прокуратура ҳузуридаги Департаментнинг хабар беришича, Департаментнинг Самарқанд туман бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда, фуқаро Ш.Н. фуқаро Д.ни Исроил давлатига ишлаш учун юбориш эвазига 10 000 АҚШ долларини фирибгарлик йўли билан қўлга киритиб, кейинчалик 6 000 АҚШ долларини қайтариб, қолган 4 000 АҚШ доллари эвазига уни Австралия давлатига юборишни ваъда қилиб, ҳозирги кунга қадар ушбу пул маблағларини қайтариб бермасдан алдаб келаётганлиги аниқланган.