Тадбирда Грузиянинг 10 дан ортиқ етакчи туризм компаниялари вакиллари иштирок этиб, Ўзбекистон туризм бизнеси вакиллари билан ишбилармонлик музокараларини ўтказади.
Форум доирасида иштирокчилар ўзаро тажриба алмашади, ҳамкорликнинг истиқболли йўналишларини, янги туристик маҳсулотларни ишлаб чиқиш, ўзаро сайёҳлар оқимини ошириш ҳамда икки мамлакат компаниялари ўртасидаги ишбилармонлик алоқаларини кенгайтириш имкониятларини муҳокама қилади.
Шунингдек, Ўзбекистон ва Грузия туризм бизнеси вакиллари ўртасида янги ҳамкорлик алоқаларини ўрнатиш ҳамда туризм соҳасидаги лойиҳаларни биргаликда амалга ошириш имкониятларини излашга алоҳида эътибор қаратилади.
Биринчи Ўзбекистон–Грузия бизнес-форумининг ўтказилиши икки томонлама ҳамкорликни мустаҳкамлаш, туризм бизнесини ривожлантириш учун янги имкониятлар яратиш ҳамда икки мамлакат ўртасидаги туристик алмашинувларни ошириш йўлидаги навбатдаги муҳим қадам бўлади.
Шу муносабат билан, Ўзбекистон туризм соҳаси вакиллари мазкур тадбирда иштирок этиш учун таклиф этилади.
