Ўрганиш давомида бир қатор жиддий қонунбузарликлар, жумладан, атмосфера ҳавосига чиқарилаётган айрим ифлослантирувчи моддалар миқдори белгиланган меъёрлардан ортиқлиги, ишлаб чиқариш жараёнида ҳосил бўлган оқова сувларнинг тозаланмасдан ер рельефига ташланганлиги, ишлаб чиқариш ва бошқа чиқиндиларнинг белгиланмаган жойларда тўпланганлиги, чиқиндиларни сақлаш ва утилизация қилиш бўйича экологик талаблар етарли даражада бажарилмаганлиги аниқланди.
Таъкидлаш жоизки, аниқланган қонунбузарликларни бартараф этиш юзасидан корхонага мажбурий кўрсатмалар берилган. Бироқ мазкур талаблар тўлиқ бажарилмаганлиги сабабли бош бошқарма томонидан иқтисодий судга мурожаат қилинди.
Гулистон туманлараро иқтисодий судининг ҳал қилув қарори билан Экология бош бошқармасининг аризаси қаноатлантирилди. Суд қарорига асосан, корхона фаолияти аниқланган экологик қонунбузарликлар тўлиқ бартараф этилгунга қадар тўхтатилди.
Айни дамда барча ҳудудларда атмосфера ҳавоси сифатини яхшилашга қаратилган назорат-рейд тадбирлари давом эттирилмоқда. Хусусан, аввалроқ Фарғонада носоз фильтр ишлатаётган корхона фаолияти тўхтатилган эди.
