Ойбек Ашуров 1988 йилда Шеробод туманида туғилган. 2011 йилда Ўзбекистон Республикаси Ички ишлар вазирлиги академиясини тамомлаган. Маълумоти бўйича ҳуқуқшунос, малака даражаси — 3-даражали хизматчи.
У меҳнат фаолияти давомида Шеробод ҳамда Шўрчи туманлари ҳокимликларида турли масъул лавозимларда, жумладан, ҳоким ўринбосари сифатида фаолият юритган. Шунингдек, Сурхондарё вилояти ҳокимлиги Ижро назорати бўлими бошлиғи лавозимида самарали меҳнат қилган.
Тайинловга қадар Сурхондарё вилояти ҳокимлиги Ижро аппарати раҳбари лавозимида ишлаб келаётган эди.
Маълумот ўрнида, мазкур лавозимда фаолият юритган Илҳом Сапаров яқинда Жарқўрғон тумани ҳокими этиб тайинланган.
