Мавсум доирасида фуқаролар ўз ҳудудларини ободонлаштириш ва инфратузилмани яхшилашга қаратилган лойиҳаларни қуйидаги муддатларда тақдим этиши мумкин:
- 15 июль – 3 август — лойиҳаларни қабул қилиш;
- 4–18 август — лойиҳаларни саралаш;
- 19–21 август — тарғибот босқичи;
- 22–31 август — овоз бериш босқичи;
- 1–10 сентябрь — қўшимча ғолиб лойиҳаларни эълон қилиш.
Маълум қилинишича, анъанавий овоз бериш босқичи якунлари бўйича ғолиб деб топилган лойиҳалар 1 сентябрь — Ўзбекистон Республикаси Мустақиллигининг 35 йиллиги байрами куни эълон қилинади.
Фуқаролар жараёнда фаол иштирок этишга, маҳалласи ривожи учун долзарб ташаббуслар билан қатнашишга чақирилди.
