Материаллар халқаро журналист, таҳлилчи ва экспертлар томонидан тайёрланиб, лойиҳага нисбатан глобал профессионал ҳамжамиятнинг юқори қизиқишини кўрсатмоқда.
The Economist
Британия нашри Ислом цивилизацияси маркази фаолиятига бағишланган навбатдаги материални эълон қилди.
Хусусан, мақолада мазкур марказ мамлакатдаги ислоҳотлар ва унинг халқаро майдондаги
аҳамияти ортиши нуқтаи назаридан ёритилган.
Қайд
этилишича, мажмуа Ўзбекистон Президенти ташаббуси асосида амалга оширилган муаллифлик
лойиҳаси бўлиб, инсонпарварлик, бағрикенглик ва маърифат ғояларига таянадиган изчил
давлат сиёсатини акс эттиради. Бу ёндашув замонавий дунё чақириқларига муносиб жавоб
сифатида баҳоланади.
Мақолада
марказ Ўзбекистоннинг замонавий маданий ва интеллектуал қиёфасини шакллантиришда
муҳим омил сифатида тавсифланган. Шунингдек, мамлакатнинг ўз тарихий меросини чуқур
англаш ва уни глобал кун тартибига уйғунлаштиришга интилиши таъкидланган.
Марказий Осиёга илмий ва фалсафий анъаналар асрлар давомида
шаклланган, жаҳон тамаддунига катта таъсир кўрсатган ҳудуд сифатида эътибор қаратилган.
Шу билан бирга, меъморий анъаналар ва замонавий технологиялар уйғунлиги маданий
ўзликни сақлаган ҳолда модернизация йўли танланганини кўрсатади.
El Mundo Financiero
Испаниянинг El Mundo Financiero нашрида эълон қилинган материалда таъкидланишича, Тошкентда
барпо этилган Ислом цивилизацияси маркази янги Ўзбекистоннинг Учинчи Ренессанс ғояси
доирасидаги стратегик маданий ва интеллектуал лойиҳаси сифатида баҳоланиб, тарихий мерос, замонавий технологиялар
ва илмий тадқиқот салоҳиятини уйғунлаштирган ҳолда цивилизациялар ўртасида мулоқот
ва билим алмашинувини таъминловчи глобал платформа сифатида намоён бўлмоқда.
Бугун
Марказий Осиё юрагида юзага келган бир лойиҳа ўз кўлами ва аҳамияти билан жаҳон
эътиборини тортмоқда. Ислом цивилизацияси маркази нафақат меъморий ёдгорлик, балки
минтақанинг ўтмиши, бугуни ва келажагини боғловчи интеллектуал кўприкдир.
24.kg
Қирғизистоннинг оммабоп нашрида берилган мақолада
таъкидланишича, Тошкентда барпо этилган мазкур марказ мамлакатнинг энг йирик маънавий-маърифий
ва илмий лойиҳаларидан бири бўлиб, Ўзбекистоннинг кўп минг йиллик тарихи, бой маданий
мероси ва жаҳон цивилизациясига қўшган ҳиссасини комплекс тарзда намоён этувчи муҳим
илмий ва маданий макон сифатида баҳоланмоқда.
“Ислом
цивилизацияси маркази минтақа халқининг уч минг йиллик тарихини, интеллектуал салоҳиятини,
маданий илдизларини ва жаҳон цивилизациясига қўшган ҳиссасини акс эттиради. Зеро,
мамлакатда юритилаётган сиёсат асосида илм-фан ва таълим устуворлиги мужассам. Чунки
айнан билим, маърифат ва инсон салоҳиятини ривожлантириш орқали кучли давлат ва
эркин жамиятни барпо этиш мумкин”, дейилади мақолада.
ЎзЖОКУ талабаси
Азиза ШАРОФИДДИНОВА тайёрлади.
