Шароф Рашидов номидаги Самарқанд давлат университети ҳамда Й. Ғуломов номидаги Самарқанд археология институти ҳамкорлигида ташкил этилган илмий археологик экспедиция томонидан Нурота тоғ тизмаси этакларида жойлашган Навоий вилояти Хатирчи тумани Ангидон маҳалласига қарашли қишлоқларда археологик қидирув ишлари олиб борилди.
Экспедиция аъзолари Одил Эргашев, Алишер Ражабов ва Абдулла Бахронов томонидан амалга оширилган дала тадқиқотларида Навоий давлат университети ўқитувчиси Лазиз Пардаев ҳам яқиндан ёрдам берди.