Кеча 28 сентябрь эса метрополитен тарихида яна бир муҳим ва қувончли натижа қайд этилди — бир кун давомида илк маротаба 1200124 нафар йўловчига хизмат кўрсатилди.
Ушбу тарихий кўрсаткич муносабати билан “Тошкент метрополитени” АЖ маъмурияти барча йўловчиларни самимий муборакбод этди.
Мазкур муҳим воқеа муносабати билан метрополитен масъул ходимлари иштирокида 1200000-йўловчини аниқлаш бўйича махсус тадбир ташкил этилди.
Тадбир давомида ушбу тарихий кўрсаткични қайд этган омадли 1 200 000-йўловчи аниқланди.
Унга метрополитен жамоаси номидан эсдалик совғаси, шунингдек, бир йил давомида жамоат транспортидан бепул фойдаланиш имконини берувчи махсус транспорт тўлов картаси тантанали равишда топширилди.
Бугунги натижа — аввало, Тошкент шаҳри аҳолиси ва меҳмонларининг метрополитен хизматларига бўлган ишончи ва талабининг ортиб бораётганидан далолатдир.
1,2 миллион йўловчига хизмат кўрсатиш — Тошкент метрополитени тарихидаги навбатдаги муҳим натижа.
